O‘zbekiston Respublikasi Vazirlar Mahkamasining 2021-yil 3-apreldagi“2021-2023 yillarda Toshkent shahrining Yangihayot tumanini kompleks ijtimoiy-iqtisodiy rivojlantirish chora-tadbirlari to‘g‘risida”gi 177-son qarori tasdiqlangan bo‘lib, qarorning 4-ilovasi V-bo‘limida davlat-xususiy sheriklik asosida Yangihayot tumani “Yo‘ldosh” mahallasida joylashgan madaniyat uyi binosini buzib o‘rniga yangi bino qurish va jihozlash vazifasi belgilangan.

Shunga ko‘ra Yangihayot tumani “Yo‘ldosh” mahalla fuqarolar yig‘ini hududidan 1172 kv.m yer maydoni davlat-xususiy sheriklik asosida madaniyat markazi qurish uchun O‘zbekiston Respublikasi Vazirlar Mahkamasining 2021-yil 3-apreldagi 177-son qarori asosida ajratib berilgan.

Mazkur obyektni davlat-xususiy sheriklik asosida qayta tashkil etishga qiziquvchi tadbirkorlarning soʻrov va takliflari quydagi manzilda qabul qilinadi. Toshkent shahar T.Shefchenko koʻchasi 1 uy (Madaniyat vazirligi).